Atuartut sinniisaat

Klasset tamarmik immikkut atuartut sinniisaanni ilaasortassamik, ilaasortallu taartissaanik toqqaasarput. Ukiumi atuarfiusumi  ataatsimiinnermi siullermi Atuartut sinniisaat siulittaasussamik siulittaasullu tullisanik, kiisalu atuuffinnik allanik toqqaasarput.

Atuartut sinniisaat atuartunut pingaaruteqarput, tassami ilinniartitsisoqatigiinnut pisortaasunullu toqqaannartumik attaveqartuupput. Atuartut sinniisaasa atuartut soqutigisaat tunaartarilluinnassavaat. Tassa imaappoq, atuartut ataasiakkaat isumaqarunik atuarfimmut tunngasunik arlaannik, Atuartut sinniisaasa qaqittariaqagaannik oqaluuserisassaqarlutik, oqaluuserisassatut siunnersuuteqarsinnaapput. Taannalu siunnersuut Atuartut sinniisaasa oqaluuserissavaat, isumaqarunillu ingerlateqqinneqartariaqartoq, akisussaasunut ingerlatitseeqqissapput.

Atuartut sinniisaanni siulittaasoq ilinniartitsisoqatigiit ataatsimiinnerini peqataasarpoq, taamaalillunilu ilinniartitsisoqatigiit Atuartut sinniisaanni pisut malinnaaffigisarpaat.

Aamma atuartut sinniisaat atuartunut tunngatillugu assigiinngitsunik aaqqissuussisarput. Assersuutigalugu taasinnaavagut introfest kiisalu atuartunut meeralinnut sammisassat assigiinngitsut.