Atualerlaanut aallaarsimaartitsineq

GUX-Aasianni atualerlaat ilinniartitsisunik ilaqarlutik, atuarnerup aallartilaarnerani aallaarsimaartinneqartarput. Ullut marlussuit asimiittarput, amerlanertigut nunaqarfiusimasumi Manermiuni, tassungalu siunertaavoq imminnut ilisareqatigiinnerulernissaat. Asimi assigiinngitsunik sammisaqaqatigiittarput, ilaatigut atuarnermut tunngasuusinnaasunik, kisiannilu pingaarnertut imminut ilisareqatigiinnissaq anguniarlugu sammisaqartinneqartarlutik.

Misilittakkat takutippaat taamatut aallaarsimaartarnerit imminut ilisareqatigiillualernermik kinguneqartartut, immaqa atuaannarsimagaluaraanni anguneqarsinnaanngitsumik.