Ilinniartunut siunnersuisarfik

Atuartoq, misigissutsit imaluunniit inuttut atugaqarneq pillugu annertunerusumik oqaloqateqartarnissamik siunnersorneqarnissamillu pisariaqartitsippat, aqqutissiuussisup atuartoq peqatigalugu, atuartoq Ilinniartunut siunnersuisarfimmi oqaloqateqartarsinnaanissaanut innersuussinnaavaa. Oqaloqatigiinneq siulleq pereerpat, siunnersuisup nalilissavaa atuartoq suli oqaloqateqarnissaminik pisariaqartitsinersoq. Pisariaqartitsinerlu aallaavigalugu oqaloqatigiittarnerit ingerlaavartumik pilersaarusiorneqassapput. Ilinniartunut siunnersuisarfik immikkut inissisimavoq, toqqaannartumik GUX-Aasiannut attumassuteqarani.