Aasianni GUX-mi kollegiani inissianilu tamani malittarisassat

Kollegie-ni ineqartunut ineqataasunullu

  1. Kollegie-ni kingusinnerpaamik nal. 23.00 eqqissifffiussapput. Nipituumik pissusilersornerit, nipituumik nipilersornerit, nipituumik oqqannerit, eqqissiviilliortitsinerillu allanut akornutaasinnaasut inerteqqu-taapput.
  2. Nal. 23:00 kingorna iggavinni ataatsimoorussani, nerisassiorneq kissartunik inerteqqutaavoq.
  3. Najugaqartup akisussaaffigivaa inini qimaleruniuk matuni  matulu silarleq parnaassallugit, parnaarsin-ngitsoorneq najugaqartup nammineq akisussaaffigaa, tillinniarfigitinnerlu GUX-mit taarsiiffigineqar-sinnaanngilaq.
  4. Allamik isumaqatigiittoqarsimanngippat pulaat kingusinnerpaamik nal. 23.00 anereersimassapput. Kollegiami najugallit pulaartumik piffissaq eqqorlugu anereersimanissaat akisussaaffigivaat, pulaartoq GUX-p pingisaanik ajoqusiisimappat najugaqartoq akiliisussanngortinneqassaaq. Ikuallattoornermi upalungaarsimaneq eqqarsaatigalugu tukkusoqassatillugu imaluunniit sivisunerusumik pulaartoqassa-tillugu  kollegiepædagog ilisimatinneqassaaq.
  5. Nalinginnaasumik qaammammut sapaatip akunnera ataaseq tikeraaqartoqarsinnaavoq tamannalu kollegiepædagog-mut nalunaarutigineqassaaq, akuerineqarsimassallunilu. Tikeraaqarneq sapaatip a-kunnera ataatsimik sivisunerussappat kollegiepædagog-imit akuerineqaqqaassaaq  allaffimmullu na-lunaarutigineqassaaq ineqartumit akilerneqarnisssaa eqqarsaatigalugu.
  6. Kollegie-ni uumasuuteqarneq inerteqqutaavoq.
  7. Ikuallattoornissamut upalungaarsimaneq pissutigalugu kollegie-ni naneruusersorneq inerteqqutaavoq.
  8. Kollegiani eqqiaanermi ataatsimiinnermilu peqataanissaq pisussaaffiuvoq, kollegiepædagog-i allamik isumaqatigiissuteqarfigisimanngikkaanni.
  9. Kollegie-mi inigisaq torersumik peqqissaarussaassallunilu inigineqassaaq. Kollegiepædagog-i pisinnaa-titaavoq, ineeraq misissussallugu. Ineeraq tukattutut peqqissaarussaanngitsutullu nalilerneqarpat mia-nersoqqussummik kinguneqartitsisoqarsinnaavoq.
  10. 18-leereersimasut: Ineqartoq kisimiilluni inimini imigassartorsinnaavoq. Kisianni ineqartoq pulaarto-qarluni imigassamik aalakoornartortalimmik imeqqusaanngilaq. Kollegie-mi fest-ertoqarlunilu nangik-kiartoqarsinnaanngilaq (efter-toqarsinnaanngilaq).
  11. 18-t inorlugit ukiullit: kollegie-ni imigassanik toqqortaateqarsinnaanngillat  imeqqusaannatillu.
  12. Kollegie-ni pujortarneq inerteqqutaavoq, ikiaroornartumik aanngajaarniutinillu allanik  atuineq inerteqqutaapput. Aammalu aanngajaarniutinik, ikiaroornartumillu toqqortaqarneq inertequtaalluni.
  13. Kollegie-ni inimut allamut nuuttarneq inerteqqutaavoq, nuunnissamut innersuussisoqarsinnaavoq  tunngavilersorluakkamik soorlu peqqissutsimut tunngasumik imaluunniit toqqissisimanngivissornermik  tunngavilimmik uppernarsaateqaraanni, tamannalu allakkatigut kollegiepædagog-mut  qinnutigineqar-tassaaq.
  14. Kollegie-ni najugaqartunut errorsisarfiit naatsorsuussaapput, avataaneersunut atoqqusaanngillat. Kollegie-ni allani najugaqartut errorsivimmik  panersiivimmillu atuinissaminnik kollegiepædagog-i isumaqatigiissuteqarfigisinnaavaat. Errorsisarfiit ataatsimoorussat nal: 22:00 matusarput. Errorsiviit/ panersiiviillu naliginnaq pineqassanngillat. Najugaqartut errorsisarfimmi aseruingunik akiligassinne-qarsinnaapput.
  15. Kollegie-nut aallaasit nassaqqusaanngillat, toqqortaatigeqqusaanngillat aammalu atoqqusaanatik.
  16. Kollegie-p pingisaanik tillinniarneq, annissuineq, aserorterinerlu inerteqqutaavoq. Taamak pisoqar-tillugu  akiligassinneqarnermik kinguneqartinneqarsinnaavoq.
  17. Sulisunut najugaqartunullu sioorasaarineq, qununartumillu pissusilersorneq akuerineqanngillat.
  18. Malittarisassanik unioqqutitsineq ima kinguneqassaaq: Oqaatitsigut mianersoqqusineq siulleq, taas-suma avataatigut unioqqutitsinerit imatut kinguneqassapput, allakkatigut mianersoqqussut siulleq, allakkatigut mianersoqqusinerit aappaat. Sisamassaanik malittarisassanik unioqqutitsineq tassaavoq kollegie-mit anisitaaneq. Kollegie-mit anisitaaneq kollegie-mut allamut nuunnermik kinguneqarsin-naanngilaq. Kollegie-mit anisitaaneq qaammatini pingasuni sivisussuseqarpoq allaffimmi suliap naam-massineraniit. Sakkortuumik mianersoqqussut toqqaannaq tunniunneqarsinnaavoq 11 & 17 unioqqu-tikkaanni.
  19. Malittarisassat. Nr : 7-12-15-17. Unioqqutikkaanni erniinnartumik anisitaanermik kinguneqassapput.