Ilinniakkap sammivii

 

Ilinniarnertuunngorniarneq nutaaq imaappoq

GUX-i tunngaviusumik ilinniagaqarnermik aammalu ilinniakkami sammivimmik aalian­gersimasumik ilinniagaqarnermik aaqqis­suussaavoq.

Tunngaviusumik ilinniarneq

Tunngaviusumik ilinniarneq ukiup affaanik sivisussuseqarpoq. Tunngaviusumik ilinniarneq ilinniarfinni sisamani tamani assigiip­poq. Tunngaviusumik ilinniarninni ilinniartitsissutit kalaallisoorneq, qallunaatoorneq, tuluttoorneq, matematikkerneq, kulturimik ilinniarneq, science, ilinniariaatsinik ilinni­arneq timersornerlu sammissavatit. Tunngaviusumik ilinniarnerup kingorna ilinniak­kap sammivianik aaliangersimasumik ilinni­arneq aallartissavat.

Aaliangersimasumik sammiveqarluni ilinniarneq

Ilinniakkap sammiviani ilinniarneq ukiut pingajuata affaanik sivisussuseqarpoq. Ilinni­akkat sammivii toqqarneqarsinnaasut arfi­neq-pingasuupput. Ilinniarnertuunngorniar­fimmut qinnuteqarninni ilinniakkap sammi­vianik pituttuisuunngitsumik toqqaariissaatit. Tunngaviusumik ilinniarnerup kingorna pituttuisumik aalajangissaatit.

Ilinniartitsissutit qaffasissusaat

Ilinniartitsissutit assigiinngitsunik qaffa­sissuseqarput A, B C-nullu agguagaallutik. A qaffasinnerpaavoq C appasinnerpaajullu­ni. Ilinniartitsissutit qaffasissusaat ilinni­akkat sammiviinik nassuiaatini ersipput.

Ilinniakkap sammivianik toqqaaneq

Ilinniarlutit aallartinnginninni ilinniakkap sammivianik toqqaassaatit. Piginnaasatit soqutigisatillu naapertorlugit ilinniakkapsammivia toqqarsinnaavat. Kommunerisan­ni ilinniakkat sammivii toqqarneqarsinnaasut tunngavigalugit toqqaassaatit. Aatsaat ilinniakkap sammivia kommunerisanni neqeroorutigineqanngippat kommunerisavit avataaniittumik toqqaasinnaavutit. Soorlu assersuutigalugu Qeqqata Kommuneani najuagaruit ilinniakkallu sammivia Niunerneq aningaasaqarnerlu kommune kujallermi ingerlanneqartoq toqqarniarukku.

Ilinniakkat sammivii sorliit kommunini sor­lerni neqeroorutigineqarnersut tabelimi ta­kusinnaavatit. Malugiuk ilinniakkat sammi­vii tunngavimmikkut assigiit, assigiinngilaartunik imaqartillugit neqeroorutigine­qarsinnaammata. Soorlu assersuutigalugu teknikkimik pinngortitalerinermillu ilinni­akkat assigiinngitsut pingasut Sisimiuni toqqagassaapput.

Ilinniakkap aalianger­simasumik sammiveqarnera qanoq paasisariaqarpa? Ilinniagaq aaliangersimasumik sammivilik tassaavoq ilinniartitsissutinik aaliangersimareersunik imalimmik ilinniagaqarneq. Assersuutigalugu ilinniakkap sammivia toqqarsinnaasat tas­saasinnaavoq, ilinniartitsissutinik isumas­sarsiorfiusinnaasunik arlaqartunik, soorlu nipilersornermik assilialiornermillu ima­lik. Ilinniakkat sammivii pissanganar­tut tamaasa pillugit quppernerni tullerni atuarit.

 

Ilinniakkat sammivii makku GUX-Aasianni neqeroorutigineqarput: