Nutaanik pilersitsisinnaanernik sammiveqarluni ilinniarneq

ILINNIAKKAP KISITSISAA 110040

Ilinniakkap sammivia attaveqaqatigiittarnermik nutaanillu pilersitsilluni suliaqarnermik nuannarisaqartumut naleqquppoq. Ilinniakkap sammivia ilinniartitsissutinik soorlu nipilersornermik, assilialiornermik tusagassialiornernillu imaqarpoq. Tassani titartaaneq, videonik aaqqissuineq, inimilu sungiusarfimmi suleqatigiinneq paasisas­sarsiorfigissavatit. Oqariartuuteqariaatsitkulturillu assigiinngitsut atuagarsornikkut suliaqarnikkullu paasisaqarfigissavatit. Oqariartuuteqarnermik nuannarisaqassaatit, ilaatigullu eqqumiitsulianik saqqummersitaliornermik inimilu sungiusarfimmiit isiginnaartitsivimmut tusarnaartitsinermik ingerlatsineq ilinniassallugu.

Ilinniarnerup ingerlaneranut sammisanullu assersuutit:

  1. Najoqqutaqarluni eqqumiitsuliorneq, assersuutigalugu uffarnermi svampit sungaartut 16-it atorlugit qanoq iliorluni qiperugaliortoqarsinnaanersoq sammil­lugu.
  2. Nipilersornerup iluani kulturiaqqat, assersuutigalugu heavy metal aamma hip hop.
  3. Filmiliorneq, assersuutigalugu ersinartuliorluni filmiliorneq. Ilinniakkap sammivia attaveqaqatigiinner­mut paasissutissiinermullu tunngasunik ilinniaqqikkusuttumut neqeroorutaavoq. Assersuutigalugu piseqqusaarutinut, paasissutissiinermut eqqumiitsuliornermut ni­pilersornermulluunniit tunngasunik ilinniaqqikkusuttunut tulluartuuvoq. Tuluttoor­neq B-mik qaffasissusilik ilinniarnermi ingerlavigineqassaaq. Sammivik taanna Kalaallit Nunaanni Danmarkimilu ilinniar­nernut arlalinnut isissutaasinnaavoq