Pinngortitalerinermik sammiveqarluni ilinniarneq
ILINNIAKKAP KISITSISAA 110050
Ilinniakkap sammivia taanna misileraanissamut nuannarisaqartuusumut alapernaatsuusumullu tulluartuuvoq. Assersuutigalugu alapernaaffigisinaavatit CD-nut nipilersuutit, guitarit, qummoroortartut, arsarnerit imigassallu qanoq ittuuneri paasiniassallugit. Laboratoriami pinngortitamilu misileraanermik qimerluuinermillu suliaqarneq nuannaraat. Pinngortitalerinermut atasumik matematikkimik suliaqarnissamut periarfissaqassaatit, aammalu pinngortitalerinermi suleriaatsit atorlugit sulissallutit, soorlu laboratoriami sulineq, paasissutissanik suliaqarneq nalunaarusiornerlu.
Ilinniakkap sammivia Kalaallit Nunaanni Danmarkimilu ingerlaqqilluni ilinniarnernut arlalinnut isersinnaanermut tunngaviusinnaavoq. Soorlu makkua assersuutaasinnaapput: Issittumi ingeniørinngorniarneq, nakorsanngorniarneq peqqissaanermillu ilinniarnerit allat, pinnguaatinik programmiliortunngorniarneq timmisartortartunngorniarneq, uumasorsiuunngorniarneq, ujarassiuunngorniarneq, matematikerinngorniarneq fysikerinngorniarneq kemikerinngorniarnerlu. Aamma illussanik titartaasartunngorniarnermut ilusilersuisartutullu ilinniarnissamut atorneqarsinnaavoq.
Ilinniarnerup ingerlanerani sammisanut assersuutit:
- Inuartoqarsimatillugu kemi, fysik matematikkilu atorlugit paasiniaalluni misissuineq.
- Nipilersorneq fysik matematikkilu atorlugit sammillugu.
- Paassalerineq qummoroortartulerinerlu.
- Erngup nukinga innaallagialiornerlu.
- Nukissiuutit ataavartut.
- Uulia aatsitassallu.
- Allannguuteqalaarsinnaavoq.
