Ukiuni pingasuni ilinniagaqarnissamut piareersarfiusumi ilinniartitaaneq

Science Kultoori
Pinngitsoorani  sammineqartussat Sammisat nammineq toqqarneqartussat Pinngitsoorani  sammineqartussat Sammisassat nammineq toqqarneqartussat
Kalaallisut A

Danskisut A

Tuluttut C

Matematik C

Biologii C

Fysikki C

Kemi C

Inuiaqatigiilerineq

Ataatsimoorussamik timersorneq

Ilinniarnermi periaatsit

Ilinniarnermi sammisaqarneq/suliaqarneq

Pinngitsoorani ilinniagasserineq

Atuaqatigiit akunnerat/tiimiat

Inuttut ilitsoqqussaqarneq

Tuluttut B/Matematikki B

Biologii B/Kemii B

Kalaallisut A

Danskisut A

Tuluttut C

Matematikki C

Biologii C

Kemii C

Inuiaqatigiilerineq C

Ataatsimoorussamik timersorneq

Ilinniarnermi periaatsit

Ilinniarnermi sammisaqarneq/suliaqarneq

Pinngitsoorani ilinniagasserineq

Atuaqatigiit akunnerat/tiimiat

Inuttut ilitsoqqussaqarneq

 

 

 

Inuit pineqartut

Ilinniartitaaneq inuusuttunut 15-niit 22-nut ukiulinnut sammititaavoq, aammalu ilinniarnertuunngorniarnerup naammassineqarsinnaaneranut immikkut ikiorneqarnissamik pisariaqartitsisunut.

 

Tiguneqarnissamut piumasaqaatit

Namminersorlutik Oqartussat nalunaarutaat nr. 27, 17 november 2016-meersoq tunngavigalugu sammisanut ataasiakkaanut periarfissiivoq, tapiliussamik pikkorissarnernut aammalu namminerisamik ilinniartunut ilinniarnertuunngorniarfiup iluani (sammisanut ataasiakkaanut peqqussut) §§ 11 aamma 12:

Ilinniartitaanermut tiguneqarsinnaanermut piumasaqaataavoq, qinnuteqartup ilinniartitsinerni appasinnerusuni piffissami qaninnerusumi atuarsimanissaa aamma akuerisaasumik ilinniarfiup rektoriata qinnuteqartup tamakkiisumik sulinikkut piginnaasai aammalu nunap sukuttitaaniinnissamik kissaatai aallaavigalugit, qinnuteqartut sorliit piumasaqaatinik naammassinnissimanerat nalilerneqassaaq.

Tiguneqarnissamut piumasaqaataavortaaq, qinnuteqartup immikkut ittumik ikiorserneqarnissamik pisariaqartitsinera aammalu ilinniarnertuunngorniarfimmi naammassinninnissamut piffissamik annertunerusumik tunineqarnissaq.

Naliliinerit aamma soraarummeernerit

Pikkorissartut naliliiffigineqassapput sammisat ataasiakkaat pillugit peqqussummi kapitali 6 malillugu, tamatuma ataani ilinniarnermi angusarisimasanut naliliisoqassaaq siullerpaamik piffissami naammassisaqarfiusussami (ukiup affaa siulleq) aammalu inaarutaasumik naliliinerit sammisani tamani soraarummeernernik naggaserneqassapput.

Misilitsiffiusussanut qulequttat:

Tulliuttuni sammisat ukiup siulliup qaangiunnerani misilitsinnermik naggaserneqassapput:

Inuiaqatigiilerineq C (oqaasiinnakkut)

 

Tulliuttuni sammisat makkua ukiut aappassaanni misilitsinnermik naggaserneqassapput:

Matematikki C (oqaluinnarluni)
Tuluttut C (oqaluinnarluni)
Biologii C (oqaluinnarluni)
Kemii C (oqaluinnarluni)

 

Tulliuttuni sammisat makkua ukiut pingajussaanni misilitsinnermik naggaserneqassapput:

Kalaallisut A (allattariarsorluni aamma oqaluinnarluni)
Danskisut A (allattariarsorluni aamma oqaluinnarluni)
Fysikki C (oqaluinnarluni)
Matematikki nammineq toqqakkatut (oqaluinnarluni)
Tuluttut B nammineq toqqakkatut (allattariarsorluni oqaluinnarlunilu)
Kemii/biologii B nammineq toqqakkatut (oqaluinnarluni)
Ilinniarnermi sammisamik suliaq

 

Nammineerluni toqqakkatut sammisami qaffasissuseq C > B-moorpat soraarummeernissami qaffasissuseq C atorunnaassaaq.

Ilinniarnermi sammisamik suliaqarneq piffissaliussat arfernanni allaaserineqassaaq.

Sammisani ilinniarnermi periutsit aamma timersorneq ataatsimoorussatut sammisaq naammassereerneqarsimassapput.

Inuttut aamma sammisanut tunngatillugu aqqutissiuunneqarneq annertunerusoq tunniunneqassaaq.

 

Soraarummeernermi uppernasaat

Ilinniarnertuutut soraarummeerneq sammisani ataasiakkaatut soraarummeernerussaaq, sammisanut ataasiakkaanut peqqussummi § 56 tunngavigalugu, misilitsinnerni karakteerit katitat sammisanilu pinngitsoorani sammisani ilinniarullu sammivia malillugu pisariaqartumillu sammisani nammineq toqqagassani aammalu nammineq ataasiakkaatut ilinniarnermi suliaqarneq ilaassapput.

 

Ingerlaqqiffiusumik ilinniagaqarneq

Ilinniartitaaneq naliginnaasumik ilinniarnermi piginnaaneqalernermik tunniussiffiussaaq, taamaasillunilu aamma ingerlaqqiffiusumik ilinniagaqalernissamik ammaassisuussalluni, tamatuma ataani aamma ingerlaqqiffiusumik ilinniartitaanernut sivisunerusunut.