Timersorneq peqqinnerlu

-Peqqinnissamut tunngasunik sammiveqarluni ilinniarneq

ILINNIAKKAP KISITSISAA 110080

Ilinnut timimik aalatitsinermik, peqqissut­simik inunnillu soqutigisaqartumut. Periar­fissinneqassaatit inuunerup avatangiisinit qanoq sunnerneqartarnera misissussallugu. Uumassusilerineq, fysik, kemi timersor­nerlu atuagarsornikkut misileraanikkullu ingerlanneqassapput, timersornermilu aamma timivit atornissaanik periarfissaqassallutit. Ilinniakkap sammivia Timersor­neq peqqissaanerlu tunngavissaalluarpoq aamma peqqissutsimut tunnganngikkaluar­tumilluunniit ilinniaqqinniaruit. Ilinniakkap sammiviani inunnik pinngortitamillu soquti­gisaqarneq piumasaqaataavoq. Taanna toqqassagukku iliuuseqarumatullutit aalajumatuujussaatit.

Inuiaqatigiinni nappaatit soorlu uummatip taqaaraatigut milittoortarneq aamma suk­korneq peqqinnissamut ajornartorsiutinut annertuunut ilaapput. Ajornartorsiummik tamatuminnga annikillisaanermi ilinniartit­sissutit timersorneq uumassusilerinerlu iluaqutaasinnaapput, timersorneruneq ti­millu pissusaanik ilisimaarinninnerulerneq aqqutigalugit.

Ilinniakkap sammivia Kalaallit Nunaanni ilinniarnernut isissutaasinnaavoq, peqqis­saasunngorniarnertaaq tamatumani periar­fissaalluni. Danmarkimi ilinniakkap sammi­via ilinniakkanut timersornermut aammalu RUC-imi pinngortitamik ilisimatusarnermut tunngasunut isissutaasinnaavoq. Sammi­vimmi tassani ilinniartitsissutaasut peqqis­saasunngorniarnissamut, laborantingorni­arnissamut juumuunngorniarnissamullu tunngaviulluarsinnaapput

Ilinniarnerup ingerlanerani sammisanut assersuutit:

  1. Peqqinneq peqqinnartumillu inooriaaseqarneq.
  2. Timigissarneq sungiusarnerlu.
  3. Imigassaq
  4. Allannguuteqalaarsinnaavoq.